فراق.. شعر لعصام رمضان

فراق.. شعر لعصام رمضان شعر عصام رمضان
كتب -

شعر: عصام رمضان

أرجوكي لازم نفترق من غير كلام

مدي أيدك سلمي هاتي أيدك سلمي اللي بنياها من رخام

أطرديني من سماكي وأقفلي باب القبول

وأتركي مركبي ترحل

يمكن الأحزان تزول

أرجوكي دمعك وفريه

يمكن في قصه حب تانيه تحتاجيه

أنتي خاينه

أيوه خاينه

أنتي خاينه والعباره قصاد عنيا زي عين الشمس باينه

ليه علي القرأن حلفتي انك مش هييجي اليوم ياخاينه وتخونيني

ليه يا كافره بقلبي وحبي بتخونيني

طيب ليه في وقت الشده كنتي بتسعديني

وتعنيني في الضيق

ليه بشوف في عنيكي مرسي للهنا

مع أن بحر عنيكي يا حوا غريق

هو حبك كان لشخصي ولا يعني كان لغيري

أسألك لو تسمحيلي

أيه اللي يفرق بينه وما بيني

روحي

روحي أرجوكي وفوتيي وأوعي للي في السما

ده انا لو هقابلك مره هضيع ويصيبني العما

انا مش صغير توعديني وتخلفي مليون معاد

وأما تشوفيني وحدي ماشي تحرفي سكه عناد

تبتسمي

فاكره ابتسامتك هتجدد وداد

إن كان جمالك صنعتك انا قلبي حته من جماد

يوم ما فكرت اني أحبك

كنت حبيت ميه قبلك

بس ساعتها كنت مجروح

وبنزف فوق طريق السهد لوم

كنت شايل بين ضلوعي قلب مليان بالهموم

وأما شوفتك يومها جنبي شوفت فيكي الحب كون

وفي دفئ حضنك نسيت كل احزاني في يوم

أدتيني معاد وخونتي

تاني تالت ميه خونتي

الف مليون يا حبيبتي وانتي برضو زي مانتي

انتظر من غير أمل وانتي عمرك مانتظرتي

ياللي قلبك قلب خاين روحي عني وابعدي

ايه ما ناب القلب منك غير بكي وسهد وآهات

وانتي ايه الفرق بينك ولا بين كل البنات

كلكم من طينه واحده

شيك ما يخضعش لرصيد

لما تلقو قلب واقع تهملوه لو حتي مات

وأما تبقي الرغبه ليكم تأثروه بالدموع والعياط

الوسوم